New and Exciting…Albanian Film Festival is coming in New York!

Festivali i Filmit Shqiptar në Nju Jork njoftoi se ka nisur përzgjedhjet për dy çmime të paprecedentë, për të cilat mund të konkurrojë kushdo. Si në asnjë festival tjetër filmi shqiptar, organizatorët e Albanian Film Festival (AFF) me bazë në Nju Jork të SHBA-së i kanë shtuar listës së çmimeve tradicionale dy kategori për të cilat mund të konkurrohet pa pasur nevojë të kesh realizuar një film.

Bëhet fjalë për konkursin për Skenarin më të Mirë shkruar për film me metrazh të shkurtër, fituesi i të cilit do të sigurojë nga Festivali financim për realizimin e filmit, deri në 20 mijë dollarë. Në konkursin tjetër të veçantë mund të merret pjesë duke realizuar një video amatore deri në 30 sekonda ku të interpretohet një skenë e famshme nga filma shqiptarë në vite. Videot e përzgjedhura do të qarkullojnë në mediat sociale të Albanian Film Festival dhe ajo që do të pëlqehet më shumë do të shpallet fituese e dy ftesave VIP për në Festival ose e një iPad-i.

Themeluesi dhe drejtori artistik i Albanian Film Festival, Ariot Myrtaj, tha në një deklaratë se AFF mirëpret konkurrues nga të gjitha trevat shqiptare dhe kudo në botë.

“Misioni i Festivalit të Filmit Shqiptar këtu në Nju Jork është të promovojë trashëgiminë dhe kulturën shqiptare tek publiku amerikan e më gjerë. Ne jemi entuziastë të përfshijmë talente të reja në botën e kinematografisë panshqiptare,” tha ai.

Sa i përket procedurës së konkurrimit, AFF shpjegon se skenarët duhet të jenë të përkthyer dhe në anglisht dhe duhet t’i dërgohen Festivalit brenda datës 15 shtator duke u ngarkuar në hapësirën përkatëse të faqes së internetitalbanianfilmfest. Krijuesit e videove me skena nga filmat shqiptarë mund t’i dërgojnë Fesivalit videot e tyre me anë të emailit, nëinfo@albanianfilmfest.com, si dhe në mediat sociale kryesore duke përdorur #myAFFmovie.

Ariot Myrtaj tha për mediat se shpreson që këto dy nisma të veçanta të Festivalit të mund të afrojnë më tepër njerëzit, dhe sidomos të rinjtë, ndaj madhështisë së botës shqiptare të shprehur nëpërmjet kinematografisë.

“Ne synojmë – shtoi ai – që të inkurajojmë krijimtarinë e të gjithë atyre që mendojnë se kanë diçka për t’i ofruar kinemasë me identitet shqiptar, qoftë edhe kur nuk kanë mundësi financiare. Albanian Film Festival, me rastin e 100-vjetorit të shpalljes së Pavarësisë në vitin 2012, shfaqi 100 filma në Nju Jork dhe ndërsa ai numër është ulur për të na lejuar të përqëndrohemi më shumë tek konkurrimi, përkushtimi ynë ndaj promovimit të artit shqiptar nuk ka ndryshuar.”

Festivali i Filmit Shqiptar në Nju Jork do të zhvillohet në SVA Theaters në Manhattan nga data 2 deri më 9 tetor 2014. Më pas Albanian Film Festival 2014 do të udhëtojë në Boston, më 11-12 tetor. Festivali AFF organizohet nga Albanian Artists Association me bazë në Nju Jork. Informacione të mëtejshme mund të gjehen në faqen e internetit albanianfilmfest.com.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s